رواية ذات الوجهين الفصل الحادي والأربعون 41 بقلم منة محمد
رواية ذات الوجهين البارت الحادي والأربعون
رواية ذات الوجهين الجزء الحادي والأربعون
رواية ذات الوجهين الحلقة الحادية والأربعون
الضيفه: ياسمين زوري وجعني وهنا دوشه جامده ممكن نتكلم برا القاعه
ياسمين بترحاب: اه طبعا
الضيفه: ياه ودني هتتخرم الدوشه عاليه اوي ومفهمتش حاجه
ياسمين مبتسمه: بصي انا هكلمك خاص وهكتبلك كل حاجه ولو فيه اي حاجه ناقصه خدي ده الكارت بتاعي اتصلي بيا في اي وقت
الضيفه: انتي ذوق ولطيفه واسفه لو اخدتك من الفرح
ياسمين: ولا يهمك
الضيفه: بس بجد كوشه العروسه طالعه هايله ذوقك عالي وراقي اوي هي اختك
ياسمين: اكتر من اختي
الضيفه: عالعموم لو احتاجت اي حاجه هكلمك علي الرقم ده!
ياسمين: تمام
سمعوا صوت تهليل وتصفير عالي جاي من القاعه
الضيفه : يظهر هيرقصوا جوه انا داخله
ياسمين ضحكت اوي ع اسلوبها وهي بتجري بسرعه كئنها هتحصل ع جايزه كبري!!
نور سقف بايده الاتنين من وراها وهي لفت تبص تشوف مين بيصقفلها
نور بصوت حرفيا مقهور:انتي احسن مديره وقادره تقومي بالف حاجه وهتكون جميله زي الكوشهً والبوفيه وعروسه منتظره كمان وانا حاسس بالغيره وكتير لانك هتتجوزي قريب
ياسمين استغربت: مين العريس
نور: محمد الكاشف هو فيه غيره
ياسمين حبت تلعب بأعصابه: لسه مكتشفه ان عريسي شخص بيغير منه ناس تانين اصل طليقي عمره ما حس بالطريقه دي زمان
نوربصلها واتهامها له وجعه : كان غبي يا ياسمين عشان كدا مكنش عارف ان كدبه صغيره هتكبر وتبعده عنها
ياسمين هزت دماغها انه صح
نور قرب منها ونبره كلها ندم : بس دلوقت فهم وعقله بقي ذكي
ياسمين بسخرية حادة : ده متأخر جدا
نوراخد نفس بصوت من مناخيره وبقهره: فعلا متاخر جدا
ياسمين جايه تدخل القاعه
نور مسك دراعها ونبره هاديه: ياسمين استني
ياسمين بصت لـ ايده ورجعت بصتلو ونور اتحرج وسابها
نور حاول يتمالك اعصابه وقال بهدوء: ممكن اسألك سؤال محمد وانتي عارفين امتي فرحكم لما تحدده بلغيني وانا هقبل
ياسمين ربعت ايدها قدام صدرها وابتسمت: قريب جدا محمد وانا اتكلمنا فعلا هنعمل فرح كبير وضخم ومكلف جدا جدا مش نفس فرحنا الاول
نور حس بألم مكتوم لدرجه شعر انه هيغما عليه واضطربت أنفاسه وحرك لياقه قميصه بعصبيه
ياسمين حركت شعرها بطريقة عفوية: وانا هعزمك اكيد عن اذنك العروسه هترمي البوكيه
نور بلع ريقه بصعوبه ووقف مكانه ونفسه طالع نازل ومسح عينيه بحركة سريعة وقلبه عمال يدق بعنف
اما ياسمين دخلت حاولت تجمع طاقتها ومسكت عيونها لما لئلئت بالدموع!
صلاح طلع للعرسان: العروسه ممكن ترمي البوكيه عشان الي متجوزتش تتجوز والسناجل تعالوا اقفوا هنا
معتز: الكل جاهز يله
ياسمين راحت شدت ضحي والكل صقف بحراره
حنان ابتسمت بشقاوه: طبعا انا مش هقف في الصف عندي جوزي هنا
المساعد ضحك : هبه يله مستعده
هبه: مستعده
المساعد: لفي ضهرك وكوني جاهزه يله نعد سوي واحد اتنين ثلاثه ارمي
هبه رمت البوكيه وضحي اخدته وفضلت تنط بيه لفوق بحماس وفرحه وياسمين ضمتها
هبه بضحكه وصوت عالي: ضحي من اخت لـ اختها
ضحي رمتلها بوسه كبيره في الهواء
ياسمين: اختي الصغيره اخدت البوكيه محمد اخباره ايه قال حاجه
ضحي كشرت مدت بوزها قدام : ولا اي حاجه
ياسمين: روحي فرجيه الورد الي اخدتيه
ضحي نفخت بضيق : تفتكري هيفهم
ياسمين طبطبت ع كتفها بحنيه: ان شاء الله يفتح دماغه الظلط ويفهم
ضحي رفعتله البوكيه وياسمين شاورتله ومحمد هز دماغه بنفس الغباء ورفع الابهام بـ لايك
ضحي اتكت على أسنانها بغيظ: شايفه اروح اضربه يعني
ياسمين ابتسمت: هو محمد حلو في كل حاجه بس غبي شويه معلش مسيره يفهم لوحده يله نرقص
نور دخل ووقف يبص عليهم وشافهم لما رفعوا البوكيه لمحمد اتنفس بعمق وراح وقف جنبه
نور: محمد
محمد لف وبصله بدهشه: نور
نور رغم قلبه بينتفض بين ضلوعه قاله بصوت مقهور: ضحي اخدت الورد من ياسمين بس هتتجوزك ولما تحددوه معاد الفرح ابعتلي دعوه الفرح
محمد بغباء: مين هيتجوز مين؟!
نورالحزن ع ملامحه: انت وياسمين
محمد شاور ع نفسه: انا وياسمين الي بينا فشنك وانتهي من وقت طويل وانا وهي مجرد اصدقاء ولان ياسمين عمرها ما حبتني
نور: بس ياسمين قالت لي بأن فرحكم قريب وقالت هتعملوا فرح كبير ومتكلف لسه قيلالي ده بره حالا
محمد ابتسم وقال ببساطة: اظاهر خدعتك
نور هز رأسه بيحاول يستوعب كلامه: ياسمين خدعتني
محمد ابتسم وطبطب ع كتفه : الي واثق ومتأكد منه هي كانت بتهزر معاك او حبت تلعب بأعصابك بس صدقني معندهاش نيه ليك وحشه ولا يمكن تكون عايزه تؤذيك لانها بتحبك
نور من الفرحه تنح شويه وبعدين فاق من توهانه : قلت ايه
محمد زاد من ضغطه على كتفه يطمنه : ياسمين بتحبك انت يانور وبتحبك طول الوقت وثق لو كنت انا او غيري اتقدمولها كانت هترفضهم عشانك
نور رمش كذا مره كئنه مش مصدق: بجد يا محمد بجد
محمد: ايوه بجد وانا عارف انك بتعشقها انا عايزك تتكلم معاها وهتلين يله اتحرك
نور اتحرك شويه ورجعله ومد له ايده: محمد بجد الف شكر
محمد مد ايده بتفهم : وده يسرني ويسعدني
نور: عن اذنك
محمد : اتفضل
نور لف وبصلها لقاها بتصقف لضحي ع اغنيه تنطبق عليها ((كداب مغرور قال مش بيحبنا بيلف ويدور ويلوع قلبنا )) ابتسم ع جنب وخرج وركب عربيته وراح لـ اقرب بياع ورد وطلب منه يجهزله باقه كبيره ورائعه وراح عطاها لهبه تقدمه ليها كئنه منها هي ع ما يعرف يتفاهم معاها وجه لوجه
…………..قصص منه محمد كاتب…………..
دخلت ماهي مع عمه محمد وعمته شاورتلها عليه وماهي ابتسمتلها وراحت عليه
محمد شافها استغرب شويه: ماهي انتي جايه تحضري فرح هبه ومعتز
ماهي: انا مش جايه احضر جيت اتكلم معاك
محمد عيونه راحت ع ضحي وقالها: بخصوص الشغل
ماهي: انا مطلبتش من ضحي تيجي ايطاليا تشتغل معايا هي اقترحت ده وطلبت مني تسافر وكويس اننا هنتكلم عن ده عشان اوضح الامر ضحي حبت تيجي تشتغل معايا يئما فعلا عايزه تسافر يئما بتهرب من حاجه
محمد عقد حواجبه وسألها باهتمام: بتهرب من ايه
ماهي: تهرب من حاجه بتألمها وبتوجع قلبها
محمد بصلها بحيره: ايه الي بيوجع قلبها
ماهي بوضوح: محمد لما البنت تشتغل وتعجب براجل وتغرم بيه والراجل ده حب اختها او ادعي انه بيحبها مفكر ده امر سهل
محمد بدهشة و علامات الاستفهام رفرفرت فوق رأسه وفجأة مسك دماغه: تحب راجل بتشتغل معاه وحب اختها
ماهي ابتسمت و قالت بهدوء : اه يامحمد
محمد برق عيونه من الصدمة : تقصدي ان الراجل ده انا
ماهي : هي بتحبك في السر عيونها لما بتبصلك بيهم بينطقوا حب بتفكرني بالايام الي حبيبتك فيها في السر لما كنت بشتغل معاك
محمد حس انه تايهه ومسح خده بتوتر: ضحي بتحبني
ماهي حركت دماغها وبضحكه : ايوه
محمد هنا افتكر كلام ياسمين حصل بينهم في اخر مره وهي بتنهي اللعبه
= شوف انت بتبقي سعيد مع مين ربما الشخص ده حواليك وانت مش واخد بالك
محمد بقي بيلف حواليه مرتبك وماهي تبتسم لعمته الي واقفه بعيد تراقب لما تقوله وتدعي انه يبطل غباء
ضحي بتلف لمحته واقف مع ماهي راحت عليهم بخطوات سريعه
ضحي راحت عليها بدهشة : مدام ماهي حمد لله بالسلامه
ماهي سلمت عليها: الله يسلمك يا ضحي عقبالك
ضحي: ميرسي بس انتي جايه تحضري الفرح
ماهي باختصار: ايوه
محمد مسك كف ايدها وشدها: تعالي معايا
ضحي بتجري معاه زي العبيطه ومش فاهمه حاجه
محمد وقفها وبنفعال واتني واتفرد: انتي كنتي عارفه ليه مئولتليش
ضحي: اعرف ايه
محمد عيونه رغرغت بالدموع: تعرفي انك بتحبيني وانتي عارفه اني بحبك
ضحي قلبها دق بقوه و انتفض بين ضلوعها: انت بتحبني
محمد: انا دلوقت بس عرفت نفسي مع اني عمري ما فكرت احب بنت زيك
ضحي كشرت فيه: هو انت بتمدح ولا بتغلط
محمد هز دماغه: لاء بغلط بنت مستحيل تتكلم غير بدبش وصريحه وش وتناكف وتجادل معايا دايما بس عندك قلب من دهب ومش هتسبيني ابدا انتي الست الوحيده الي حسستني بأني ليا قيمه
ضحي هزت له دماغها بـ ايوه وابتسمت
محمد: والي حرفيا بكون سعيد معاها انتي ,, انتي البنت الي بدور عليها وطلعتي انتي
ضحي هزت له دماغها بتأكيد
محمد: يبقي انتي فعلا بتحبيني
ضحي فرحت من قلبها : ايوه يمين بالله بحبك حب ماله حدود وعرفت قلبي رايح فين من زمان ( ضربته بالبوكيه) اصل انا مش غبيه زيك
محمد ضحك: ما هو انا غبي هفهم نفسي ازاي ان اجمل بنت بتحبني انا بس يمكن بحبك وكنت خايف اقرب كونك صغيره وحلوه وانا مطلق واكبر منك
ضحي: يعني ده اعتراف بالحب ولا بتبعد
محمد بصلها شويه وخطفها جوه حضنه وهي دخلت جواه ومسح ع شعرها بحب وحنان
محمد خرجها ومسك وشها بين ايديه: من هنا ورايح مش هترويحي اي مكان انتي لازم تبقي هنا معايا
ضحي عيونها دمعت : معاك يا محمد معاك
محمد حط ايده ع خدها واخدها تاني جوه حضنه وهي دفنت وشها في حضنه وحاسه انها هتموت من فرط السعاده انه اخيرا الغبي فهم وعرف انها الحب الحقيقي!!!!
…………..قصص منه محمد كاتب……………..
ياسمين طلعت تدور ع ضحي ونور
هبه سألتها بشكل مباشر: بتدوري ع نور
ياسمين ارتبكت ولعبت في العقد في رقبتها: لاء بدور ع ضحي
هبه: براحتك تقدري تكدبي عليا لو حبيتي بس متكدبيش ع قلبك
ياسمين اتوترت ونور واقف بعيد يتابعهم
هبه: البوكيه مخصوص عشانك عشان متنفسيش حد ع بوكيه العروسه وبجد الف شكر ع تصميم الكوشه عجبتني انا وماما كتير
ياسمين اخدت منها الباقه: وانا مبسوطه انها عجبتك والورد بجد تحفه
هبه: وانا عارفه انك ذكيه وهتعرفي قلبك وعارفه مين الي محتل قلبك بس المشكله انك رافضه تدي الراجل ده اي فرصه يرجع حياتك ياسمين انتي عارفه الدين وعارفه التسامح شعور من يعفو عن الناس بالراحة النفسية، وبالطمأنينة، والعزة، والسكينة، وشرف النفس
ياسمين ضمت هبه ونور ابتسم اوي وانسحب ومشي برتياح ومتأمل ان بكره اجمل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
تعليق واحد